My fifth flight to Amsterdam, Netherlands 2

我地係Holland 住既地方其實唔係amsterdam，而係係一個叫海牙(Den hagg)既地方。呢度係Holland 政府部門既集中地，又係皇宮既所在地，我住間酒店隔離就係海牙國際法庭。雖然住得咁近皇宮，但係好可惜冇時間去睇睇。

第一日去到，沖完涼，訓左一陣覺，約左一個女孩子crew 搭電車去海牙既沙灘。電車係荷蘭既主要公共交通工具，電車網絡四通八達；荷蘭人又好鍾意踩單車，所以你會係荷蘭既路上見到好多人踩單車，街上又周圍泊滿單車，好多「單車海」，但係感覺上同大陸好唔同，我覺得個度d 人踩單車有型d。我唔知道個沙灘叫乜名，但係就好靚，個沙灘好大，海又一望無際。個度有好多露天餐廳，我同個crew 就係個度食左個lunch，望住個超級靚景，享受住陽光，吹著海風，睇住個度d 大大隻既海鷗(比澳洲的大很多)自由自在咁飛來飛去，真係非常舒服。個度d 女人好多都上身唔著衫曬太陽呢！我地食完野係沙灘商店行左陣，就返去酒店附近既supermarket 買定食既野for dinner。海牙d 住宅真係好靚，我覺得比Amsterdam d 更加靚。返到酒店又大覺訓，要養足精神留待明日出去Amsterdam 玩。荷蘭比香港慢六個鐘，所以都冇乜jetlag 既問題。夏天既荷蘭成晚上十點都唔天黑，比人一種成日都係咁早既感覺。

第朝早，我地又坐叮叮電車去海牙既Central Station，搭火車去Amsterdam。唔知點解我地問十個有九個都唔係好知我地問緊佢地d 乜，攪到我地問路時處處掽壁，好耐先弄清楚點樣搭火車去Ams。係火車路途上，我見到一大遍又一大遍既草地，d 乳牛就係上面食緊草。經過大約四十五分鐘車程，我地終於抵達ams 既central station。一落車見到條運河，Amsterdam 比Den hagg 繁華很多，我地上了電車周圍去。去到Amsterdam 我地都係行下睇下買下野影下相咁。個度d 建築物好古色古香，好有歐洲特式，d 鴿子周圍走完全唔怕人，荷蘭d taxi 全部都係Benz 黎既，真係有錢。荷蘭最出名就係鬱金香、風車、木屐、梵高d 畫同埋芝士。由於冇時間，我地去唔到風車村咁遠睇風車，又冇乜興趣排長龍去欣賞梵高d 畫，鬱金香又唔係夏天開。因此咁多出名野我淨係見到木屐同芝士，因為呢兩樣野Amsterdam 有好多賣。我都買左d cheese 呢，佢地有各式各樣既cheese，我都唔係好識，所以求其買左d 試下咁啦。另外，係擺花街有好多花卉既種籽賣。

其實荷蘭除左傳統d 特式野之外，仲有兩樣野係好出名，就係大麻同買佢地既紅燈區。係Amsterdam 有好多售賣大麻同埋吸食大麻工具既店舖，個度只要拿左牌，就可以光明正大賣大麻ga la。另外，又係只要拿左牌，賣淫係合法gei。我冇去睇到d 櫥窗女郎(妓女)，因為仲未天黑，佢地仲未出動呀！不過就去左個度既sex museum，冇乜特別，好似睇四仔咁，超級核突。行得累了，我地去左一條酒吧街飲野，我個同事飲酒，我就飲汽水，嘻，唔識飲酒。我個同事雖然係女仔，但好煙酒，我發現係外國返黎個d crew 冇乜邊個係唔煙酒既，可能係西方風氣gwa？佢同我講佢連草都high 過呢，不過冇上隱，食過兩次已經冇食，因為覺得好難食。

行下行下，已經七點幾，但天仲好光，我以為仲好早呢。我地又搭番火車返酒店啦。返到海牙，諗住去睇下皇宮，但行行下覺得好遠，而且開始夜(八點幾)，街上越來越少人，問人d 人話而家皇宮冇野睇，於是我地又行返轉頭搭電車。點知好唔好彩，我點錯左我個同事同我一齊上左架相反方向既電車，攪到要係下個站落車行番對面線再等過，又咁arm 剛剛走左部車，累我個同事同我一齊係度等左好耐車，真係唔好意思！而且條路一個人都冇，靜ying ying，又有d 不三不四既黑人係度走來走去，越等就越驚，累到個同事同我一齊驚，心裡都唔好受呢！

返到酒店已經係十點，好累，但係仲要執野預備聽日走。咁又要走啦。下次黎一定要去睇風車！

My Fourth Flight to Cairns, Australia 2

今次去左幾日Cairns(凱恩斯)，緊係要捉緊時間去玩啦。有一位crew 佢同佢屋企人一齊黎，我有幸可以跟埋佢地一齊出去玩。

去到係當地時間早上八點半，我地去附近convieniece store 買左小小野，就各自上房休息。晚上就成班crew (包括老總、SP、FP)，齊齊去食buffet。休息左一日，第二日先去玩。

Cairns 最出名係Great Barrier Reef (大堡礁)，同埋Rainforest，咁我一場黎到一定要去呢d 地方啦。由Cairns 出發去green island 要大約四十五分鐘船，好唔好彩我地去個幾日都落雨，天氣唔好，出海又鬼咁大浪，架船拋得好嚴重，我同個位crew 都差d 頂唔順要嘔。成架船最後生我地，但都唔夠個班阿公阿婆勁，間船拋得咁犀利，佢地都可以全程不停談笑風生，一d seasick 都冇，好堅呀！去得大堡礁，有手有腳既人都會去玩潛水，就算唔潛水，都會玩浮潛。好不幸我special days 唔落得水，咁咪同另一位唔落得水既crew 去坐submarine law。坐submarine 既group 同玩diving 個d 係要分開既，所以我冇同crew 既family 去玩diving。之所以咁，我地架船大部份都係上左年紀既人，船上d staff 剩係派左d seasick pills 同 seasick bags 俾d 公公婆婆ja，我諗佢地都估唔到我地d 後生仲屎過d 公公婆婆。返黎個程緊係醒目問佢地拿seasick pills 食啦，唔係實會嘔到七彩！

green island 位於大堡礁，成個view 都好靚，好可惜個日唔好天，又n 咁大風 (吹到我同個crew 成個顛婆咁)，坐係submarine 都睇唔清海底，真係side 晒。本來個海底好colourful 同好多魚ga ma，變得黑沉沉，魚同珊瑚又睇唔清。

去完大堡礁返黎，我地就去shopping 啦。Cairns 似一個小日本，係條街上見到日本人仲多過鬼佬，原來Cairns 係日本人既旅遊勝地黎ga，而家係summer holiday，所以通街都係日本年青人，我仲見到有一團四部旅遊車寫住大板千里高等學校，佢地連學校旅行都係黎Cairns，厲害！。個到d shops 同restaurants 全部都有日本服務員 (我地住間hotel 都有好多日本人)，我地一入到去佢地就同我地講晒日文咁，以為我地係日本人呀ma。個度真係日本人既天地，連d 鬼佬都學番兩句日文以招呼d 日本遊客。嘻嘻，買左少少手信呢。好多特產買呀。

Cairns 係一個渡假小城市，人口才得十二萬五千，空氣好好，好舒服，雖然日間氣溫有成二十八度，但一d 都唔覺得熱，去左咁耐我都冇出過汗，反而返到香港狂標汗，hk 真係一個火爐！街上行人不論係鬼佬定係o架仔，都係踢人字拖出行，好relax 好渡假feel，有d 人甚至赤腳通街走tim！

第二日我同crew 個family 去tropical zoo。佢地租左部車去，咁我就跟車尾啦。好開心呀，咁大個女第一次抱樹熊，好得意！我又去餵袋鼠，佢地都唔睬我地，俾野佢地食佢地都唔食，可能佢地已經俾遊人餵野餵到好飽，佢地仲all 到成地屎。個度仲有red panda、wombat、white kangaroos、tree frogs、巨蛇.........

離開左tropical zoo，我地去睇rainforest 中既瀑布。走入樹林中，呼吸著無比新鮮既空氣，人都健康左。forest 入面d 路係用木條搭，唔係石屎路，好有大自然feel。好可惜唔知個瀑布係咪乾旱，得番一條線既水。係個forest 外圍疏疏落落有d 民宅，有d 起得好靚，但住得咁偏僻，都好唔方便下wo，可能貪夠晒世外桃源gwa。

返到市區，我地去左全cairns 最大既mall，係個pier 隔離，冇乜特別，而且冇人行。之後去casino 睇睇，其實我去只不過係想去睇睇，冇諗過玩，連老虎機都唔玩，因為唔想輸錢，一分錢都唔想輸，但係由於人地成家都係度玩，我又冇野做好悶，於事手痕痕玩兩下。點知俾我玩一鋪已經贏左十四蚊(AUD)，好興奮，再玩，諗住贏多d，點知係咁輸，唔份氣，再玩，諗住贏番d 錢番黎，點知泥足深陷，越玩越輸。贏番黎d 錢輸番晒俾佢不但子，仲要倒蝕二十四蚊俾佢，激氣！我而家終於明白d 賭徒既心態，所以千奇唔好上隱呀！

晚上我地去食韓國燒烤。晚飯後去night market。返到酒店已經好"支力"，坐下執下行李預備明天走，有d 唔捨得走，不過冇辦法。達上張床就呼呼大睡，第朝差d 唔知醒遲到report duty，我係最後一個report duty，成棚人已經企晒係度等我，阿哥差d 打電話call 我睇下我究竟發生乜事，我又係最junior o個個，所以好尷尬。

係回程飛機上我個cabin 有個非常cute 既鬼仔bb，好得意，我地成班crew 係落機時一擁而上去同佢玩，佢又唔怕陌生人，阿哥抱佢我地玩佢，佢都唔喊，仲整個好得戚個樣仔tim，令人好肉緊呀！

Cairns 之旅咁又完左，留下左美好既回憶。