我的潔癖

嘩！首先我真係好開心，因為係呢班flight 上遇到同道中人，就係一位同我有著同樣癖好的阿姐呀！我真係好鍾意佢呀！其他人同佢一齊可能會因為佢既癖好而覺得有壓力，而我同佢做野都有小小壓力，但唔係因為佢既癖好，而係佢做野真係好鬼勤力，我又點敢惰懶呢？

而佢既癖好係乜？就係「潔癖」啦！我講緊既唔係少少既「潔癖」，而係幾嚴重下個重，即係成日洗手，乜野都鍾意消毒一餐，好鍾意消毒藥水個陣味(漂白水都鍾意)，返到屋企乜都會洗一餐，冇左水我係唔會生存到。平時工作時我係唔會表現出呢個癖好出黎，因為唔想嚇親人，但係同我住既全家人都知道我有呢種癖好，由於佢地冇呢種癖好，所以我係極度唔鍾意佢地店我d 野。而屋企實在太多人，所以我店完其人所有野都會洗手，除左自己d 野之外，我亦都唔俾佢地將佢地既野放落我度。

出完街返屋企一定要洗手同埋澡左涼先做其他野，一定唔會坐係自己張床上，一定要澡完涼同換左衫先。

錢係好得人鍾意，但其實銀紙係極度污糟既，所以掂完一定一定要洗手。返屋企一定要除鞋，如果放過地上的東西(屋企以外)，一定會洗！

其實我以前唔係咁，因為睇見一d 野先會形成咁既習慣，後來因為越來越重視，所以發現越來越多好恐怖既問題，而我呢個潔癖亦係越來越嚴重，而且我覺得自己唔係心理病，係有根有據既。

竟然會撞到同道中人，真係超級開心！