Colombo (Sri Lanka) again

又去完返黎，今次買左比上次更加多茶葉，已經買夠，唔想再黎啦。呢d 地方除左買茶葉外，冇野好做，個flight 又辛苦到爆，對d 客咁好都冇用，都係要俾人complain，有ｄ人真係幾無理取鬧，如果公司要捉我返去審我都係覺得自己冇做錯，如果公司咁都要幫個客我都冇辦法，有d 客係又complain 唔係又complain，其實想公司俾番d 補償佢地，即係想攞著數。不過唔係個個都咁衰，好似收耳筒咁，平時大多數人都求其遞俾我，d 電線打晒結，攪到我好難收，但係呢班去Colombo 既乘客，個個都好有手尾咁捲好晒d 電線先俾個耳筒我。

今次仲好"橋"，撞到我第一次飛long haul 到Cairns 一齊玩的"空姐姊妹花" Tina 和 Ivy 的弟弟Chris，想不到她們講得出做得到，叫埋個細佬黎飛，三姊弟一齊玩。Chris 的樣子長得十足佢家姐Tina，所以佢話兩個家姐都係crew，我第一時間就諗起Tina 同Ivy 啦。

明天去曼谷，今個月最後一班機，希望順利完成，咁就可以安心放大假，捱過左個 "爛" flight 月。

已經幾個月冇做duty free，明天要做反，好驚做唔掂。