London Flight (2)

雖然係咁，但係依然有開心既事，特別係我第一次去倫敦呢個地方已經好鍾意佢，好有古典歐洲氣息。

第一日去到諗住坐酒店shuttle bus 出去搭地鐵，點知上錯shuttle bus 去左Houslow，咁既然去到咪行下law，個度冇乜野行，我地行行下仲落雨tim。由於要趕搭番下午5:30 既shuttle bus 番酒店，所以我地好早就返到酒店休息，第二日先再出去。我地住離市中心好遠，因為酒店係機場隔離。

第二日諗住早d 出發，點知shuttle bus 要成10:15 先開，去到hight street kensington 都已經差唔多十一點，再係地鐵站研究左好耐點轉車，去到我地想去既目的地Leicester Square 已經係十二點，一落車我同classmate Cora 就排隊買飛準備聽2:30 場既The Phantom of the Opera，我地買左最平既飛，二十一鎊，跟住我地就去左Oxford Street 行街，搵到我最喜愛既SIX，買左幾條頸鏈同手鏈，然後走左入Tesco 買左d 野食，咁我地又拿拿林趕住去劇院，因為唔識路，所以要預多d 時間去搵 。我發現倫敦街頭大部份都唔係本地人，而係旅客，問十個有九個都唔識路，我試過連問警察都唔識路，都唔知係真唔知定假唔知。幾經辛苦，終於搵到間theatre 啦，好開心，淋陣雨都係值既。間theatre 唔係好大，但裝潢就好古典。雖然係香港已經睇過呢齣musical 既電影，但睇現場又另一番滋味，仍然好震撼！個舞台佈景轉得好快，好犀利！一句講晒，非常好睇！二十一鎊其實一d 都唔貴。

睇完已經係五點，我同classmate 分頭行，佢想去shopping，而我就想去British Museum。非常可惜，當我去到個museum 已經關左門，搞到我好唔開心，咁早就柵門？酒店shuttle bus 要成九點半先有，咁我冇野係度做乜好？於是咪周街蕩law，我冇去到d 名勝呀，因為如果museum 都咁早柵門，其他都係ga la，白金漢宮、big ben、London eye...............連British Museum 都冇睇野，好side 料，我安慰自已︰唔緊要，下次再去！

酒店shuttle bus 要成九點半先有，咁現家六點鐘仲有成三個半鐘，都唔知做乜好，咪係度亂走law，又去食下野，捱到差唔多就搭地鐵返high street kensington 等shuttle bus 啦。英國既地鐵站都幾舊下。去到shuttle bus station 見到classmate Frida, Sherri 同埋Chloe，佢地係遲我地一日黎既，即係話佢地係個日第一日係London，但佢地已經去左好多地方，遊完River Thames，再去Harrods 買野，，唔會好似我咁無無聊聊。下次黎一定要好好安排時間先。

回程機上遇到黑白片紅星曹達華(曹探長)，d crew 都搵佢影相，佢雖然年紀大，但仍很健壯，講野仲好大聲tim，佢話佢搭長途機係唔使訓覺gei，好健談。其實遇到呢d 乘客都幾好ga，同佢傾下計，工作唔使咁悶。